रोल्पा, माघ १३ गते

प्यूठानको भिंग्री ९ किमिचौरमा आज बेलुकी आगलागी हुदा १० घरगोठ भन्दा बढी जलेका छन् । एक घरबाट एक्कासी लागेको आगोले गाउँमा रहेका अन्य १० घरगोठ समेत जलेर नष्ट हुदा करिव ८० लाख बराबरको क्षति भएको स्थानीय युवा गिरबहादुर घर्तीले जानकारी दिनुभएको छ । आज बेलुकी ४ वजेतिर लागेको आगो स्थानीयवासी, प्रहरी र नेपाली सेनाको पहलमा बेलुकी ७ वजेसम्म नियन्त्रण लिएका थिए । स्थानीय देवबहादुर घर्ति, सुखराम घर्ति, शषिराम घर्ति, लंकबहादुर घर्ति, धनबहादुर घर्ति, जीवलाल घर्ति, जोखबहादुर घर्ति लगायतको घर जलेर नष्ट भएको बताइएको छ । आगलागीबाट घरमा रहेका अन्नपात, लत्ताकपडा, भाडाकुडा लगायतका गाईभैसी, बाख्रा समेत जलेका छन् । नजिकै रहेको रोल्पाको खुंग्रीको चतुर्भूजमा श्री पञ्चमीको अवसरमा लाग्ने मेलाको तयारीमा रहेका स्थानीयवासीको घरगोठ जलेर नष्ट भई घरबारविहीन भएपछि आगलागी पीडित परिवार विचल्लीमा परेका छन् ।�

�

�